تەندروستیی سلێمانی: بڕیاری پێدانی تاقیگە حکومییەکان بە کەرتی تایبەتمان جێبەجێ نەکردووە
بەڕێوەبەری گشتیی تەندروستیی سلێمانی لەبارەی ئەو راپرسییەی رووداوی تەندروستی کە باشترین نەخۆشخانەی هەرێمی کوردستانی دیاریکرد کە نەخۆشخانەی هیوا بوو، گوتی ئەمە بایەخەکەی دەگەڕێتەوە بۆ هەوڵ و ماندووبوونی ستاف و کارمەندەکانی نەخۆشخانەی هیوا.
نەخۆشخانەی هیوا باشترین نەخۆشخانەی هەرێم
ئەمڕۆ پێنجشەممە 8ی 1ی 2026، د. سەباح هەورامی، بەڕێوەبەری گشتیی تەندروستیی سلێمانی راگەیاند کە گرنگیدانی راگەیاندکاران بە پرسەکانی سیستمی تەندروستی گرنگە و هیوادارم لە ساڵی 2026 بەردی بناخەی نەخۆشخانەی هیوای گەورە دابنێین.
هیوای دروستکردنی نەخۆشخانەی هیوای گەورە
د. سەباح هەورامی دەڵێت: هیوادارین نەخۆشخانەی هیوای گەورە دروستبکرێت و ببێتە پێشەنگی نەخۆشخانەکانی شێرپەنجە و پارێزگای سلێمانی لە زۆربەی بوارەکاندا پلەی یەکەمە، بەتایبەت بواری تەندروستی. ئەم پرۆژەیە دەبێتە هەنگاوێکی گەورە بۆ باشترکردنی خزمەتگوزاری تەندروستی لە پارێزگاکە.
بڕیاری تاقیگەکان جێبەجێ نەکراوە لە سلێمانی
لەبارەی بڕیارەکەی وەزارەتی تەندروستی لەسەر پێدانی خەرجی و دابینکردنی کەلوپەلەکانی تاقیگان بە کۆمپانیایەکی تایبەت گوتی: تائێستا ئەو بڕیارە لە سنووری سلێمانی و هەڵەبجە جێبەجێ نەکراوە. ئەمە واتە تاقیگە حکومییەکان هێشتا لەژێر بەڕێوەبردنی دەزگا تەندروستییە حکومییەکاندان لە ئەم دوو پارێزگایەدا.
