وەزارەتی کارەبا: بەهۆی باران و رەشەبای بەهێز کارەبای بەشێک لە هەولێر، سلێمانی و دهۆک پچڕاوە
وەزارەتی کارەبای هەرێمی کوردستان رایگەیاند کە هۆکاری پچڕانی کارەبا لە بەشێک لە پارێزگاکانی هەرێمی کوردستان، باران و رەشەبای بەهێزە.
زیان لە تۆڕەکانی کارەبای نیشتمانی
لە راگەیێندراوێکدا ئەمڕۆ هەینی 9ی 1ی 2025، وەزارەتی کارەبای هەرێمی کوردستان رایگەیاند: بەهۆی باران و رەشەبای بەهێزەوە کە زیانی بە تۆڕەکانی کارەبای نیشتمانی گەیاند، ئەمشەو کاژێر 08:00، گرفتی پچڕانی کارەبا لە بەشێک لە پارێزگاکانی هەولێر، دهۆک و سلێمانی دروستبوو.
دۆخەکە لەژێر کۆنترۆڵە
بەپێی وەزارەتی کارەبا، ئێستا دۆخەکە لەژێر کۆنترۆڵدایە و تیمەکانی وەزارەتی کارەبا لە ماوەی چەند کاژێری داهاتوودا سەرجەم گرفتەکانی چارەسەر دەکەن. وەزارەتەکە داوا لە هاووڵاتییان کردووە لێبوردنیان بخوازن و بەڵێنی داوە بە خێرایی گەڕانەوەی خزمەتگوزاریی کارەبا.
